• El casu del neñu d'Uviéu ensin profesor d'asturianu atopa solución dempués de les quexes de la familia y d'Iniciativa pol Asturianu

    Espublizao 31/10/13

    La selmana pasada, Illán, el neñu del colexu Auseva al que la Conseyería d'Educación del Gobiernu d'Asturies negaba la posibilidá de dir a clases d'asturianu atopaba solución. El llamáu fechu pola familia, el propiu centru educativu ya Iniciativa pol Asturianu atrayía l'atención de la prensa y al dirixise dalgunos medios a la Conseyería, poques hores dempués del unviu de la nota de prensa, la Conseyería ufría a la familia una solución qu'anque nun ye satisfactoria del too, permite que'l neñu yá s'incorporare a les clases d'asturianu nel so centru.

  • Iniciativa pol Asturianu felicita a IX y Foru por llevar la so reclamación d'una partida pa l'ALLA nos Presupuestos Xenerales

    Espublizao 27/10/13

    Nel mes de febreru, el presidente d'Iniciativa pol Asturianu, Inaciu Galán, aconceyaba nel Congresu de los Diputaos, en Madrid, con representantes de los cuatro partíos que tienen miembros electos por Asturies. D'aquellos conceyos surdieron dalgunos compromisos, como foi la busca d'una partida nos Presupuestos Xenerales del Estáu pa l'Academia de la Llingua Asturiana (ALLA) Estos díes atrás, dempués de dalguna conversaciones coles formaciones confirmóse la presentanción d'enmiendes a los Presupuestos.

  • Ponencia sobre organizaciones de reivindicación llingüística nel Congresu de Cultura Asturiana Mozo

    Espublizao 22/10/13

    El pasáu sábadu 19 d'ochobre celebróse nel Auditoriu d'Uviéu'l Congresu de Cultura Asturiana Mozo, un conceyu de xente del ámbitu de la cultura de menos de 35 años. Iniciativa pol Asturianu collaboró coles sos aportaciones a la ponencia dedicada a organizaciones de reivindicación llingüística y difusión cultural, que coordina Inaciu Galán, presidente de la organización. Ufrimos agora la ponencia completa.

  • Xose B. Álvarez, representative of International Affairs, attended to the conference

    Iniciativa representó al asturianu n’Europa

    Espublizao 20/10/13

    El miércoles 16, Iniciativa pol Asturianu tuvo presente na conferencia nomada “Radiodifusión en Llingües Minoritaries: Ónde Tamos, Ónde Debíemos Dir”, entamada pola Alianza Llibre Europea.

  • Iniciativa pol Asturianu participa nel Congresu de Cultura Asturiana Mozo

    Espublizao 18/10/13

    Esti sábadu 19 d'ochobre celébrase nel Auditoriu d'Uviéu'l Congresu de Cultura Asturiana Mozo, un conceyu de xente del ámbitu de la cultura de menos de 35 años. El Congresu tien como oxetivos proyectar a la sociedá asturiana la idea de que hai muncha xente creando y trabayando nel mundu de la cultura asturiana y facer visible esa realidá, que, n’últimu términu, xenera empléu y riqueza.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.