• Iniciativa pol Asturianu sal a la cai pola Selmana de les Lletres

    Espublizao 30/04/12

    Esta selmana tamos en plena celebración de la Selmana de les Lletres Asturianes y taremos presentes en dellos actos con materiales nuevos pa siguir trabayando por llegar a la xente col nuesu mensaxe. El xueves 3, n'Avilés, tamos convidaos a una clas d'asturianu na cai, 19:30 hores, na Plaza'l Parche. El vienres 4, taremos per Uviéu repartiendo material a lo llargo del día y na manifestación pola oficialidá.

  • Sorteóse un llote de llibros ente los socios

    Espublizao 30/04/12

    Coinciendo col entamu de la Selmana de les Lletres Asturianes, sorteóse un llote de 10 llibros y revistes n'asturianu ente los nuesos socios. El ganador resultó ser Daniel Pérez Villaro, d'Uviéu.

  • Boletín informativu dixital #06

    Espublizao 30/04/12

    Yá puede consultase'l boletín informativu d'Iniciativa pol Asturianu #06, que correspuende al mes d'abril. Nél apúrrese a simpatizantes y asociaos información de l'actividá de la organización.

  • Iniciativa pol Asturianu considera "una falta seria al idioma" la decisión de l'Asociación d'Escritores

    Espublizao 26/04/12

    Iniciativa pol Asturianu considera que la decisión de l’Asociación d’Escritores d’Asturies de nun contemplar les obres en llingua asturiana pa la edición de los Premios de la Crítica 2012 ye una falta seria al idioma d’Asturies.

  • Énte la difícil situación de los Servicios de Normalización Llingüística nes mancomunidaes

    Espublizao 23/04/12

    Dende Iniciativa pol Asturianu queremos amosar el nuesu fondu maltar pola situación política na que s'alcuentren les mancomunidaes del país, como la Mancomunidá d'Avilés y, principalmente, la Mancomunidá del Cabu Peñes, onde la engarradiella ente'l PP y el PSOE pue afeutar a la continuidá del so Serviciu de Normalización Llingüística (SNL). De fechu, el francimientu de dicha mancomunidá supondría que, polo menos, los gozoniegos quedaren privaos d'un serviciu que lleva furrulando dende 2004.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.