• Nuevu aconceyamientu de la Xunta Diretuva

    Espublizao 28/11/12

    Iniciativa pol Asturianu celebra aconceyamientu mensual de la Xunta Direutiva pa esti sábasu 1 d'avientu a les 12.00 na aula 1 del Vieyu Institutu Xovellanos de Xixón, asitiáu na cai Xovellanos y xunto a la Plaza'l Parchís. Como siempres, la xunta ta abierta a l'asistencia de tolos socios que quieran averase, como mena de xestión abierta y tresparente de la organización, pudiendo participar na parte d'encamientos y entrugues con toles suxerencies y opiniones que deseen.

  • Conteníos variaos nel sestu programa d'Iniciativa pol Asturianu nes ondes

    Espublizao 28/11/12

    Iniciativa pol Asturianu nes ondes fala nel so sestu programa cola actriz asturiana María Cotiello y el so mozu, l’actor William Miller, d’orixe inglés y perconocíu pola so participación en series como Cuéntame o l’actual Isabel, en TVE. La militancia a favor del asturianu de Cotiello interesó a Miller pola llingua asturiana, que ta agora deprendiendo, como cuntó nel programa d’Anne Igartiburu (ver vídeu equí: http://youtu.be/ZvioQUiAcaE) Xunto a esti, otros munchos conteníos pueden sentise nesti programa.

  • Iniciativa pol Asturianu presenta en Xixón un llibru que recueye poemes en toles llingües de la Península

    Espublizao 22/11/12

    Esti sábadu a partir dfe les ochjo la tarde, nel chigre IPA la cerverceria del millón d'Ibus (asitiada nel 7 de la cai Rufo Rendueles, El Muro, de Xixón), Iniciativa pol Asturianu organiza la presentación de "Se lo dije a la noche / Díxi-ylo a la nueche". Un llibru-dvd del escritor castellanu Juan Carlos García Hoyuelos, con poemes tornaos a toles llingües de la Península. Nel actu van participar escritores y artistes asturianos y lleoneses, cuntando tamién cola actuación de la cantadora de tonada Anabel Santiago.

  • La editorial de payares: L’asturianu en Madrid y Europa

    Espublizao 19/11/12

    Tradicionalmente centróse’l conflictu llingüísticu n’Asturies y nos gobiernos de los conceyos. Y ta claro que ye equí onde ha xugase daveres la partida del futuru del asturianu. Sicasí, nun podemos escacer que lo mesmo’l Gobiernu d’España que les instituciones europees, son responsables d’esta llingua, en cuantes que son instituciones que tamién mos gobiernen y tienen llexislaciones que-yos obliguen a facelo.

  • La Fundación Príncipe d'Asturies estudiará les propuestes d'Iniciativa pol Asturianu

    Espublizao 15/11/12

    Inaciu Galán y Denis Soria, miembros de la xunta direutiva d'Iniciativa pol Asturianu, aconceyaron con Teresa Sanjurjo, direutora de la Fundación Príncipe d'Asturies, nel llar de la institución organizadora de los Premios col mesmu nome, n'Uviéu. Nel conceyu, primer contautu ente dambes organizaciones, falóse de la situación sociollingüística d'Asturies, faciendo los representantes d'Iniciativa pol Asturianu delles propuestes concretes coles que la organización camienta que "la Fundación podría facer muncho pola normalización de la llingua asturiana y pol ameyoramientu del so prestixu social".

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.