• Iniciativa pol Asturianu denuncia les declaraciones discriminatories de Mercedes Fernández

    Espublizao 16/02/16

    Iniciativa pol Asturianu quier denunciar les declaraciones del PP d’Asturies y de la so presidenta Mercerdes Fernández, que presume nuna nota de prensa de llograr “que el castellano sea la única lengua del Parlamento en Asturias”, una acción que ye ensin dulda nenguna una discriminación, pa la que los populares cuntaron cola ayuda del votu favoratible del PSOE y C’s, que se sumaron a la votación pa evitar que les convocatories pa la Comisión sobre la situación del asturianu na Xunta Xeneral pudieran dir en billingüe.

  • Ramón d'Andrés esplica'l pieslle de la Fundación Caveda y Nava n'Iniciativa pol Asturianu nes ondes

    Espublizao 15/02/16

    Con él falaremos del so llabor como Presidente de la Fundación Caveda y Nava qu'el pasáu día 1 d’avientu del 2015 acordó poner puntu final a la so andadura como entidá de defensa de la llingua asturiana. Esti determín tomóse al entender que les circunstancies que xustificaron el crease camudaron sustancialmente, de manera que la so misión pue dase por cumplida, pues la so función dexó de tener el sentíu que tuvo nel so día.

  • Entrevista especial a la presidenta de l'Academia de la Llingua Asturiana n'Alderiques d'Asturies

    Espublizao 15/02/16

    Ana Cano, presidenta de l’Academia de la Llingua Asturiana foi entrevistada por Samuel Gradín, Pablo Guardado ya Inaciu Galán al rodiu de la situación de la llingua asturiana y les cuestiones que cinquen a la so actualidá.

  • Ábrese la matrícula de la edición de primavera de los Cursos d'Iniciativa pol Asturianu

    Espublizao 15/02/16

    Iniciativa pol Asturianu abre una nueva edición de cursos en dellos conceyos y a distancia. Los cursos duren 36 hores y cunten con un diploma d'aprovechamientu otorgáu pola Academia de la Llingua Asturiana pa l'alumnáu que supere'l cursu. Con dos niveles, dependiendo del conceyu, estos cursos van entamar el 7 de marzu y van durar hasta'l mes de mayu, dependiendo de los díes festivos de cada conceyu y de les circunstancies de cada cursu.

  • Iniciativa pol Asturianu denuncia la falta d’impulsu al idioma 100 díes dempués del alcuerdu que renovó a Antonio Virgili na dirección de la RTPA

    Espublizao 08/02/16

    Iniciativa pol Asturianu denuncia l'ausencia de midíes favoratibles a la llingua na RTPA cuando se cumplen 100 díes del alcuerdu ente PSOE, PP ya IX pa caltener a Antonio Virgili como director xeneral. La organización de defensa de los derechos llingüísticos alvierte de que'l porcentaxe d'emisiones na llingua propia nun medró nin nestos 100 díes nin nos más de seis meses dende que PSOE ya IX alcordaron incrementar la presencia del asturianu nos medios de comunicación de titularidá pública a cambiu de facer presidente a Javier Fernández.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.