• Iniciativa pol Asturianu entama una campaña p'animar a la matriculación na asignatura de Llingua Asturiana

    Espublizao 11/06/13

    La organización Iniciativa pol Asturianu, al traviés de la so Vocalía d'Enseñu, ta acabante poner en marcha una campaña pa facer medrar la matriculación na asignatura d'asturianu nes escueles ya institutos d'Asturies, onde la demanda ye mui alta per parte de les families y alumnos, pero onde tovía apaecen importantes torgues pa matriculase na asignatura, con incumplimiento de la llexislación en dalgunes ocasiones. La campaña busca implicar al profesoráu d'asturianu con un folletu con un diseñu en blancu y negru que pueden imprentar ellos mesmos a baxu costu y según el volume d'alumnos del centru nel que trabayen.

  • El plenu d'Uviéu aprueba redactar unes ordenances d'usu del asturianu tres la denuncia d'Iniciativa pol Asturianu

    Espublizao 03/06/13

    Iniciativa pol Asturianu denunciare énte'l propiu Conceyu d'Uviéu y la Procuradora Xeneral d'Asturies el casu de discriminación vivíu por un miembru de la directiva de la organización, que foi obligáu a presentar un documentu en castellán nel rexistru del Conceyu, prohibiéndo-y presentalu n'asturianu. El casu, tresmitíu a les fuercies polítiques con representación nel plenu fizo surdir una propuesta d'Izquierda Xunida qu'esti vienres aprobaron por unanimidá PP, Foru, PSOE ya IX, y pola que se decidió redactar unes ordenances d'usu del asturianu qu'eviten más casos como esti y fomenten l'usu del asturianu nel conceyu que ye capital d'Asturies.

  • El grupu Xera nel programa Iniciativa pol Asturianu nes ondes

    Espublizao 03/06/13

    Nel programa d'esta selmana d'Iniciativa pol Asturianu nes ondes, Samuel Gradín fala con Vérval, del grupu Xera, que va celebrar un conciertu nel Teatru Campoamor d'Uviéu y col presidente de la organización Inaciu Galán, de cuestiones varies d'actualidá.

  • Perbona acoyida d'Iniciativa pol Asturianu na so presentación en Cangues d'Onís

    Espublizao 03/06/13

    El vienres 31 de mayu celebráronse en Cangues d'Onís dellos actos que sirvieron pa presentar Iniciativa pol Asturianu nel conceyu. Pela mañana, dellos alumnos del Institutu Rei Pelayo participaron nuna charra sobre l'asturianu na que se-yos dio a conocer la organización. Yá pela tarde-nueche, nel chigre Filandón, presentóse a los asistentes, qu'enllenaron el llugar, l'actividá de la organización.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.