• Iniciativa pol Asturianu súmase a les campañes de los docentes d’asturianu

    Espublizao 19/01/13

    La Vocalía d’Enseñu d’Iniciativa pol Asturianu súmase a les movilizaciones organizaes polos docentes de llingua asturiana pa lluchar contra la desapaición de l’asignatura del sistema educativu. La cabezalera de la vocalía, María Díaz Suárez, participó na xunta de docentes organizada por SUATEA’l martes pasáu, onde se dedició poner en marcha delles acciones.

  • Yá pue sentise una nueva entrega d'Iniciativa pol Asturianu nes ondes

    Espublizao 17/01/13

    La entrega octava d’Iniciativa pol Asturinau nes ondes, programa de la organización omónima, inclúi una entrevista na que Francisco Álvarez fala del llibru "Un país llamáu Dixebra", otra con Montse Machicado, de la Estaya de Llingua d'Avilés, falando de la campaña pal cambiu de nome y apellíos al asturianu, y una tercera de Diana Alba de la web del occidente d'Asturies, Qué Femos. Amás, como siempres l’editorial y la clas d’asturianu.

  • Iniciativa pol Asturianu denuncia que Fomentu tien d'usar la toponimia porque a diferencia del idioma "sí ye oficial"

    Espublizao 17/01/13

    En respuesta a lo dicho estos díes pol Ministeriu de Fomentu dempués de qu'un diputáu d'Izquierda Xunidá ficiera una entruga per escrito al mesmu por petición d'Iniciativa pol Asturianu, la organización denuncia que'l Ministeriu de Fomentu manipula la llexislación al so favor. Si bien l'asturianu nun ye oficial, la toponimia tradicional recuperada y aprobada pol Gobiernu d'Asturies sí que tien esi rangu, y ye d'usu obligáu pa tolos estamentos públicos, incluyíu'l Ministeriu que xestiona les carreteres estatales.

  • L’editorial de xineru: “A vueltes cola toponimia”

    Espublizao 17/01/13

    La nuesa propuesta d’entruga al Ministeriu de Fomentu sobre l’usu incorrectu de la toponimia oficial asturiana nes carreteres del Estáu n’Asturies. Que llevó al Senáu Izquierda Xunida, recibió la respuesta negativa de Fomentu. Pal Ministeriu, la falta d’oficialidá del asturianu ye razón pa xustificar que nun usen los nomes de llugar oficializaos. L’argumentu nun tien sentíu nengún y nun ye más qu’una mala escusa ensin base xurídica.

  • Participamos na xunta de maestros y profesores d'asturianu de SUATEA

    Espublizao 15/01/13

    La maestra d'asturianu y Vocal d'Enseñu d'Iniciativa pol Asturianu, María Díaz Suárez, participó na tarde del martes 15 de xineru na xunta de docentes d'asturianu convocada pol sindicatu del enseñu SUATEA por mor del procesu d'aprobación de la LONCE, conocida como Llei Wert, que dexaría al asturianu fuera del sistema educativu.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.