• Vítor Suárez: "Nun podemos ser namái testigos de cómo va morriendo l'idioma"

    Espublizao 20/02/12

    El Comercio espublizó esti sábadu pasáu una entrevista con Vítor Suárez, miembru de la Xunta Promotora d'Iniciativa pol Asturianu nel qu'esplicó'l llabor fechu hasta'l momentu y los planes de futuru de la organización, qu'esti sábadu que vien 25 de febreru, celebra'l so primer Congresu col envís d'escoyer Xunta Direutiva y marcar les llínies de trabayu de los meses vinientes. Ufrimos la entrevista completa.

  • Iniciativa pol Asturianu protesta pol retayu de financiación a l’Academia de la Llingua Asturiana

    Espublizao 19/02/12

    La organización considera que’l retayu d’un 40% a los presupuestos de l’Academia de la Llingua Asturiana (ALLA) ye un ataque al idioma asturianu, nun contestu mui difícil pa la llingua d’Asturies, y teniendo en cuenta que l’ALLA ye una institución siempres austera y que yá hasta agora cuntaba con namás los fondos imprescindibles pal desenrrollu del so llabor. L’asociación aprovecha pa recordar que la máxima institución llingüística asturiana sigue ensin recibir fondos del Gobiernu central, como'l restu de les academies de llingües.

  • Vídeu resume de la gala de presentación pública d'Iniciativa pol Asturianu

    Espublizao 16/02/12

    L'asociación Iniciativa pol Asturianu presentóse'l pasáu 17 d'avientu de 2011 nel salón d'actos de la Biblioteca d'Asturies, n'El Fontán, Uviéu cola asistencia de más d'un cientu de persones. Esti vídeu recueye dalgunes de les intervenciones principales d'aquella xornada.

  • Xuanxo Mariño, de Radio Sele, na presentación d'Iniciativa pol Asturianu

    Espublizao 08/02/12

    El periodista Próspero Morán (TPA, Asturnews, etc.) y Xuanxo Mariño, director de la única emisora dafechu n'asturianu, Radio Sele, representaron a los medios de comunicación asturianos na presentación d'Iniciativa pol Asturianu, el 17 d'avientu de 2011, n'Uviéu (Asturies).

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.