• Iniciativa pol Asturianu denuncia l’ausencia un añu más del asturianu nos Premios Príncipe

    Espublizao 25/10/12

    Iniciativa pol Asturianu fizo llegar va delles selmanes a la “Fundación Príncipe de Asturias” una carta solicitando qu’use l’asturianu nes sos actividaes y mui especialmente nos Premios Príncipe. Destacaben que na so páxina web nun incluya al asturianu, cuando puede lleese hasta en 11 llingües distintes, y cuando la otra fundación del Príncipe, la Príncipe de Girona, inclúi una versión en catalán como páxina principal y un llogotipu billingüe en castellán y catalán.

  • Iniciativa pol Asturianu denuncia un nuevu recorte del Gobiernu en normalización

    Espublizao 24/10/12

    El Gobiernu de Javier Fernández (FSA-PSOE) ta acabante anunciar al traviés del BOPA un nuevu amenorgamientu de los prespuestos dedicaos a normalización llingüística. La partida afectada nesti casu ye la dedicada a Normalización social del asturianu y gallego-asturianu pa les entidaes llocales, una ayudes que sirven pa llevar a los conceyos, la entidá alministrativa más cercana al ciudadanu, les polítiques de normalización llingüística, qu’amás xeneren emplegos al traviés de los servicios de normalización.

  • Perbona acoyida a Iniciativa pol Asturianu en Villaviciosa

    Espublizao 21/10/12

    Un equipu del Voluntariáu d'Iniciativa pol Asturianu participó con un puestu informativu na "Espicha FIG 2012", celebrada esti sábadu 20 d'ochobre, nel Atenéu de Villaviciosa pola Banda de Gaites de Villaviciosa. Nel mesmu informóse a un gran númberu de maliayos al rodiu de l'actividá del nuesu coleutivu.

  • Abiertu plazu p'apuntase al Cursu d'asturianu en Xixón

    Espublizao 19/10/12

    Iniciativa pol Asturianu participa na organización d'esti cursu, a comuña col Conceyu Universitariu pol Asturianu (CUPA) y abre’l plazu p’apuntase a la que yá ye la tercer edición de los Cursos d’Asturianu en Xixón, una esperiencia formativa que s’entama en collaboración cola Academia de la Llingua Asturiana. El cursu, que se va facer na sede del Conseyu de la Mocedá de Xixón (Avda. Manuel Llaneza, 68), va entamar a partir de la segunda quincena del mes de payares (el martes 13 de payares), cuntando con 35 hores llectives.

  • El voluntariáu d'Iniciativa pol Asturianu tará presente esti sábadu 20 d'ochobre en Villaviciosa

    Espublizao 17/10/12

    La militancia de la organización audirá a la "Espicha FIG 2012" pa informar a los maliayos al rodiu de l'actividá del nuesu coleutivu y p'animalos a tomar la iniciativa pol asturianu. Amás taremos d'estrenu, ya que los asistentes tendrán la oportunidá de facese con un mapa de la división parroquial d'Asturies -col so nome tradicional- a un preciu de solo 5€.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.