Xosé B. Álvarez fala n'Iniciativa pol Asturianu nes ondes del alcuentru d'ELEN en Bucarest

Espublizao 26/11/15

Entamamos el nuesu programa d'esta selmana col Editorial de Presidente d'Iniciativa pol Asturianu, Inaciu Galán, qu'afonda nel pasu p'alantre a dar polos/es políticos/es qu'usaron l'asturianu y l'eonaviegu nes sos tomes de posesión nes nueves corporaciones municipales elexíes el pasáu mayu. 

La Rede Europea d'Igualdá Llingüística (ELEN), de la qu'Iniciativa pol Asturianu ye entidá miembru, celebró la so Xunta Xeneral añal del 9 al 11 d'ochobre en Bucarest, Rumanía, entamada pol Conseyu d'Aromunes, con delegaos en representación de los falantes de llingües minorizaes d'Europa, p'aldericar munches de les cuestiones vitales qu'afeuten a los sos idiomes y del llabor d'ELEN nel ámbitu llocal, estatal ya internacional. Ellí tuvo presente Xosé B. Álvarez, representantes internacional d'iniciativa pol Asturianu, que mos cunta fonderamente tolo que s'aldericó ellí. 

Pa rematar ye'l tiempu de la nuesa seición "Deprendi l'asturianu" cola nuesa mayestra Ana María Suárez que güei depréndenos l'usu de "daqué" y la pallabra "pescanciar"

 

Sentir programa

 

 

-ALDERIQUES D’ASTURIES RADIO-

Dellos pueblos del mundu tuvieron aconceyaos en Tiquipaya (Bolivia) del 10 al 12 d'ochobre d'esti añu 2015 y trabayaron nuna propuesta consensuada pa ser presentada a la comunidá internacional y a los gobiernos del mundu pa caltener la vida y escontra'l cambéu climáticu. Esta declaración axunta'l so pensamientu y sentimientu, y ye la so propuesta pa les negociaciones internacionales de les Conferencies de Partes de Naciones Xuníes sobre cambéu climáticu, mediu ambiente, desenvolvimientu sostenible y otros escenarios relevantes que se va cellebrar prósimamente en París. 

Javier Arjona de la ONG "Soldepaz Pachakuti" tuvo presente nesi eventu y atiéndenos telefónicamente pa cuntanos tolos alderiques qu'ellí se fixeron.

 

Sentir programa completu

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.