Videu: Iniciativa pol Asturianu aldericó con otres organizaciones nel Atenéu Llibertariu d'Uviéu

Espublizao 30/05/13

Un mesa redonda titulada "¿Qué pasa cola llingua?" y convocada pol Atenéu Llibertariu d'Uviéu celebróse'l vienres 24 mayu en Ciudá Naranco y cuntó cola participación d'Inaciu Galán (presidente d'Iniciativa pol Asturianu), Iris Díaz (Reciella -- families pol asturianu), Dolfu Camilo Díaz (escritor y xestor cultural), y Miguel Rodríguez (Trafego). Na mesma aldericóse alredor del pasáu, presente y futuru de la reivindicación llingüística.

Ufrimos agora videu completu de la charra, na qu'Inaciu Galán fizo un llamáu a "acabar col desánimu que paez qu'hai xente qu'arrastra de munchos años pero que nun compartimos munches persones con ganes de trabayar y con ilusión pol futuru del idioma". La charra, na que tamién participó'l públicu presente, sirvió p'analizar erros cometíos nel pasáu pol movimientu de reivindiación llingüística, asina como pa falar de cómo habría facese nel presente pa conectar cola sociedá asturiana y movilizala. "Pa Iniciativa pol Asturianu ta claro, la llucha pol idioma nun ye una cuestión de dreches o d'izquierdes, sinón de tola sociedá asturiana", esplicó Galán.

 

Ver el videu cola charra completa

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.