"Nueche de pallabra" ye un actu organizáu pol Club Popular de Cultura "Llaranes" nel marcu les actividaes la Nueche Blanca d'Avilés. Entamará cola presentación del número 14 de la revista lliteraria "Formientu" y cunta cola collaboración d'Iniciativa pol Asturianu, amás de cola presencia de dellos escritores.
Darréu fadráse un recital de poesía colos integrantes de "Fame Poétika", con delles composiciones. Pa rematar, va tener llugar un micrófonu abiertu pa los asistentes que quieran participar cola llectura d'un fragmentu de prosa o versu. Sedrá esti vienres 27 de mayu de magar les 19:30 hores nel Centru Sociocultural de Llaranes, n'Avilés.
