Matricúlate nos cursos d'Iniciativa pol Asturianu pa esta seronda-iviernu 2017

Espublizao 05/10/17

 La organización añade pa esta edición, aparte de los cursos de Asturiano 1 y 2: Taller básicu de teatru ya Introducción al Cómic

Iniciativa pol Asturianu saca alantre otra nueva edición de los sos cursos que van entamar el 23 dochobre.

Amás de los yá conocíos y esitosos cursos d’asturianu, la entidá ufierta la posibilidá de matriculase en cursos de teatru y cómic. Poro, la duración de los cursos va tener modificaciones en comparanza con otros años por mor d’estes nueves incoporaciones y les sos concretes necesidaes. Asina, los cursos van durar 35 hores y van celebrase dende'l mes d’ochobre a finales d'añu, dependiendo de los díes festivos de cada conceyu y de les circunstancies de cada cursu.

Como n’otres ediciones, los cursos d'asturianu van cuntar con un diploma d'aprovechamientu otorgáu pola Academia de la Llingua Asturiana pa l'alumnáu que supere'l cursu, nel restu de los cursos entrégase diploma d'aprovechamientu d'Iniciativa pol Asturianu.

La matrícula fadrase efectiva col ingresu de 60 euros (50 euros pa socios d'Iniciativa pol Asturianu), a diferencia del cursu d'Introducción al Cómic que tien un preciu de 70 euros (60 euros pa socios) Tolos cursos incluyen los materiales pertinentes.

Pa más información pueden ponese en contautu cola organización a traviés del so corréu: Info@iniciativapolasturianu.org



 

Podéis matriculavos yá nos cursos d'Iniciativa pol Asturianu. Cursos d'#asturianu, teatru y cómic  https://docs.google.com/forms/d/1eZAagjs8TaR1l791WEd8kcY34Zka18mQwLXD3aA-hvw/edithttps://docs.google.com/forms/d/1eZAagjs8TaR1l791WEd8kcY34Zka18mQwLXD3aA-hvw/edit.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.