La Universidá d’Uviéu anunciaba güei al traviés del so boletín diariu d’información “DUO”, la puesta en marcha d’un serviciu pa la consulta del archivu hestóricu de la entidá al traviés d’internet. Esti nuevu serviciu permite la consulta en catalán, gallegu, vascu y castellán, pero non n’asturianu.

La Universidá d’Uviéu abre una páxina en catalán, euskera y gallegu, pero non n’asturianu

Denunciálo'l Conceyu Universitariu pol Asturianu (CUPA) esplicando como "ye bien llamativo que la Universidá d’Uviéu ufra esti serviciu en toles llingües del estáu español menos na llingua propia d’Asturies, protexida polos propios estatutos de la universidá asturiana", daqué que compartimos dende Iniciativa pol Asturianu.

El CUPA esplicó esti casu a Vicente Gotor, al traviés d'una carta unviada va unes hores, esixendo qu’esti programa recueya tamién la posibilidá d’usar l’asturianu, como col restu de les llingües, y cumpla asina cola normativa de la Universidá d’Uviéu que recueye espresamente que naide podrá ser discrimináu pol usu del asturianu na Universidá, pa lo que ye preciso, y con un costu cero, qu’esti tipu de ferramientes tean disponibles n’asturianu.

Accesu a la ferramienta multimedia