A solicitú del nuevu alcalde de Bimenes, Aitor García Corte, la pancarta d'Iniciativa pol Asturianu, col testu "Queremos un futuru n'asturianu: oficialidá, dignidá, normalización" cuelga estos díes y con motivu de la Fiesta de la Oficialidá de la fachada de la Casa Conceyu de Bimenes, xunto a otres pancartes reivindicatives. Un xestu que valoramos de forma mui positiva, yá que-y da visibilidá a la reivindicación llingüística nesti conceyu.

Iniciativa pol Asturianu tará presente con un puestu informativu esti sábadu 4 de xunetu dientro de los actos de la Fiesta de la Oficialidá, que recuerden el momentu nel qu'esti conceyu y otros munchos declararon la oficialidá de la llingua asturiana nel so territoriu, decisión que dempués echaron abaxo los tribunales.

Programación Fiesta de la Oficialidá 2015