La campaña sobre Drechos Llingüísticos y la respuesta a un artículu contra l'asturianu en RPA

Espublizao 15/03/16

Inaciu Galán, presidente d'Iniciativa pol Asturianu, participó esti llunes 14 de marzu nel programa Noche tras noche, na RPA. Ellí comentó la campaña Decálogu Drechos Llingüísticos que la organización tien en marcha nes redes sociales hasta'l Día de les Lletres.

Amás, respondió al artículu de José María Casielles nel periódicu La Nueva España, nel qu'atacaba la normalización del asturianu, cola presencia del autor del artículu, contertuliu del programa. 

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.