Iniciativa pol Asturianu presentó los proyectos y actividaes de la entidá nel Arcu Atlánticu de Xixón
L’Espaciu Pallabres del Festival Arcu Atlánticu de Xixón acoyó esti vienres 30 de xunetu una presentación de les actividaes y proyectos d’Iniciativa pol Asturianu, dientro d’una xornada dedicada a la normalización llingüística.
Inaciu Galán, presidente d’Iniciativa pol Asturianu, faló del trabayu fechu pola entidá dende la so fundación va agora cuasi cinco años, esplicando’l llabor de cada estaya de la organización, la filosofía de les sos acciones y los proyectos que van saliendo alantre.
