Con motivu de la creación de delles nueves cais nel conceyu d'Uviéu dende l’asociación Iniciativa pol Asturianu tresllademos al Conceyu una propuesta pa que una d'elles fuera nomada como Xuan María Acebal n’alcordanza y homenaxe del escritor en llingua asturiana del nuesu sieglu XIX, que pol so rigor llingüísticu y altor lliterariu, foi nomáu na so dómina como «Príncipe de los poetes asturianos». 

Acoyida con ésitu la propuesta, axuntamos la cai de nueva creación na que plantegamos lleve'l nome del autor, venceyada a Acebal por atopase nes cercaníes de les cais que pasiaba l'autor de Cantar y más cantar.

Dende Iniciativa pol Asturianu tamién queremos proponer al Conceyu d'Uviéu la colocación d’una placa en memoria de Xuan María Acebal nel portal númberu 13 de la Cai del Águila, que faiga alcordanza de la so figura.