Iniciativa pol Asturianu va tener puestu informativu y de venta de productos na Fiesta de la Oficialidá de Bimenes, como vien siendo vezu nos últimos años. Sedrá'l próximu sábadu, 2 de xunetu, a lo llargo de tola xornada. Con esta presencia Iniciativa pol Asturianu quier siguir dándose a conocer ente los habitantes del conceyu de Bimenes, asina como sofitar la declaración d'oficialidá de Bimenes, que cumple yá venti años y que va renovase esti añu.
Dientro del programa d'estos díes, habrá tamién espaciu pa la grabación d'un programa d'Alderiques d'Asturies con públicu, asina como otres actividaes nes qu'animamos a participar y de les que vamos dir informando nes redes sociales. Faemos un llamamientu a tola sociedá asturiana pa que s'averen a Bimenes esti sábadu a sofitar a la llingua asturiana y a la so reconocencia como llingua oficial.
Programa d'actos
El sábadu 2 de xunetu cellebrase la XX Folixa de la Oficialidá nel conceyu de Bimenes.
– A les 12 la mañana plenu estraordinariu.
– MANIFIESTU POLA OFICIALIDÁ
– Danza de la oficialidá
– MERCÁU
– Bailles tradicionales a cargu de LOS YERBATOS y MIRANDANÇAS.
– XIRA POPULAR; trai la tortiella de casa y ven a xintar a la fiesta, (pues acutar la to mesa de baldre o tamién pues xintar pel prau).
– A les 17 hores xuegos pa neños (y non tan neños) y CONCURSU OFICIAL D'ESCANCIADORES
– A les 21 hores ven a cenar al prau
– NUECHE EN DANZA-BIMENES EN DANZA
CANTARUXARE
coles intervenciones d'Alicia Villanueva, Los Yerbatos, Mirandanças, Panderetes de Xixón…
– CONCIERTU FOLK a cargu de TSARIGANDO y ALIENDA.
TENEMOS UN PRAU HABILITÁU P'ACAMPAR.
