Dempués del anunciu fechu en redes sociales pol alcalde de Cangues d'Onís, anunciando que-y aprobaren la colocación d'una señalización na A-64 na que s'anuncia la salida p'hacia Cangues d'Onís y Cuadonga, Iniciativa pol Asturianu recordó al alcalde, José Manuel González Castros, qu'ha facer porque Fomentu cumpla la llei al poner la señalización que reclamó y qu'agora van instalar.
Tola señalítica ha usar los nomes oficializaos pol propiu plenu de Cangues, nesti casu Cangues d'Onís/Cangas de Onís y Cuadonga/Covadonga.
Amás, punxímonos yá en contactu coles demás fuercies polítiques d'esti conceyu gobernáu pol PP, pa pidi-yos que tamién reclamen el cumplimientu de la toponimia oficial nel plenu.
Decretu de 2009 qu'aprobaba la toponimia del conceyu de Cangues d'Onís
