Iniciativa pol Asturianu presente nel conceyu de la Rede Europea pola Igualdá Llingüística

Espublizao 14/06/17

Iniciativa pol asturianu, como miembru d’ELEN tuvo nel actu de la Rede Europea pola Igualdá Llingüística desendolcáu en Valencia xunto con representantes de d'Euskadi, País Valencià, Catalunya, Gales, Escocia, Irlanda, Bretaña, Galicia, Italia.

La Rede Europea pola Igualdá Llingüística (*ELEN) ye una entidá formada por más d’un centenar d’asociaciones vinientes de más de 22 estaos europeos. Toes tienen en común que trabayen en beneficiu de llingues minorizaes. Dalgunes son tamién llingues minoritaries, ye dicir, con pocos falantes. Un de los oxetivos del ELEN ye recordar que más de 50 millones de persones n’Europa viven situaciones asemeyaes, trabayar cola sociedá civil y los gobiernos, xenerando multillingüismu.

Nesti conceyu tuvieron presentes: Sixto Molina, secretariu xeneral de la Carta Europea de les Llingües, la eurodiputada d’Esquerra Unida  Marina Albiol que s’amosó crítica col tratamientu de les llingues minoritaries dende Bruseles, Fernando Padilla, director xeneral del Política Llingüística d’Asturies que faló so la situación llegal del asturianu y gallego-asturianu, nel sistema educativu, nos medios de comunicación y na cultura o Rafael Castelló, profesor de la Universitat de València qu’amosó uan visión del espoxigue del valencianu na universidá. La organización tuvo representada por Pablo Arce, miembru de la directiva d’Iniciativa pol Asturianu quien desplicó la situación del idioma del país dende’l puntu de vista de la entidá.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.