El Conseyu de Mocedá de Xixón entama un alcuentru y diálogu ente mozos de la ciudá y candidatos y candidates a l'Alcaldía del conceyu. Iniciativa pol Asturianu va participar con una entruga alredor de les actuaciones que sobre la llingua asturiana y la so normalización tienen previsto facer los candidatos en casu de llegar a convertise n'alcalde o alcaldesa.
Sedrá un formatu moderáu pola periodista Paloma Llanos que tendrá llugar el xueves, 14 de mayu de 2015, a les 19.30 hores, nel Salón d'actos del Colexu Públicu Gaspar Melchor de Xovellanos.
