La Facultá de Formación del Profesoráu y Educación de la Universidá d'Uviéu celebró'l pasáu 25 de marzu la xornada "La situación de la llingua asturiana nel sistema educativu n'Asturies". Iniciativa pol Asturianu collaboró cola so celebración y participó con un charra sobre la situación del asturianu na Universidá d'Uviéu.

 

"L'asturianu na Universidá d'Uviéu: propuestes p'asturianizar la institución"  foi'l títulu de la conferencia, a cargu d'Inaciu Galán, presidente d'Iniciativa pol Asturianu. Na charra esplicó como l'asturianu tuvo presente siempres na universidá asturiana, anque de diferentes maneres, y como los pasos daos nos años últimos tienen de siguir completándose con más, recordando les promeses del Rector, firmaes nel alcuerdu col Conceyu Universitariu pol Asturianu va dos años, qu'inclúi llogotipu y rotulación billingües, y más pasos alatre pa la normalización del asturianu.

 

Galán recordó amás la carta del Defensor del Universitariu a Gotor, na que-y pide que se forme al funcionariáu nel usu del asturianu, pa garantizar el drechu al usu reconocíu polos estatutos de la institución.