La Facultá de Formación del Profesoráu y Educación de la Universidá d'Uviéu va acoyer el martes 25 de marzu, a lo llargo de tol día, una xornada embaxo'l títulu "La situación de la llingua asturiana nel sistema educativu n'Asturies". Iniciativa pol Asturianu collabora con esti actu dirixíu al públicu en xeneral y n'especial a profesoráu del sistema educativu asturianu, pudiendo inscribise pa recibir un certificáu d'asistencia.

Dientro del "Bloque 3: LA LLINGUA ASTURIANA DENDE LA PERSPECETIVA DE LA REINVIDICACIÓN SOCIAL", a les 16:25, va dase llectura a una comunicación titulada  "L'asturianu na Universidá d'Uviéu: propuestes p'asturianizar la institución"  al cargu d'Inaciu Galán, presidente d'Iniciativa pol Asturianu, con un alderique darréu.

L'asistencia ye llibre y de baldre, y va ser debidamente acreditada pola Facultá con una duración de seis hores llectives.  Pa ello ye necesario unviar el nome, los apellíos y el Documentu Nacional d'Identidá a la siguiente dirección de corréu lletrónicu raulcarbajalopez@gmail.com L'últimu día pa ello va ser el día 25 de marzu.

 

Programa completu d'actividaes

Blogue oficial de la Xornada

Artículos venceyaosMás del autor