Iniciativa pol Asturianu nes ondes pon en marcha sección nueva col periodista Damián Barreiro, especialista en tv y con un garapiellu llibros espublizaos al respeutive. Ufrirános toles selmanes una nueva seición áu treslladaremos un mediu tan importante como ye la televisión a la radio, afondando en series, películes, etc que se podríen usar pa normalizar el nuesu idioma.
Nel programa d'esta selmana pue sentise amás una esbilla de la entrevista que fiximos n'Alderiques d'Asturies TV a Marcos Costales, ún de los responsables d'Ubuntu International onde mos presenta n'esclusiva'l primer móvil que vien col asturianu de fábrica. Fechu hestóricu por ser la primer vegada que se produz.
