El domingu 1 de marzu finaba Amadeu Ferreira, escritor, poeta y xurista de Miranda del Douru, una de les figures que más trabayó na defensa del mirandés, variedá del arturlleonés falada nel territoriu portugués de Miranda, con reconocencia oficial.
Amás d'autor, Amadeu Ferreira tamién foi collaborador de dellos medios de comunicación, amás de tornar delles obres de gran importancia como Los Cuatro Evanxelios y delles obres d'Astérix al mirandés.
Con elli fina una de les figures más representatives d'esti dominiu llingüísticu que compartimos asturianos y mirandeses y dende Iniciativa pol Asturianu queremos amosar el nuestru más fonderu pesar por esti murniu adiós.
