Esti sábadu 25, Iniciativa pol Asturianu entamará una folixa col envís de festexar que saca’l mercáu esta nueva bebida. Pa la cellebración escoyeron ún de los llocales de referencia de l’actividá cultural de la villa xixonesa: la llibrería-café La Revoltosa.
Cola venta d’esti productu la entidá, en pallabres del so presidente, quier“ufiertar al públicu un productu de calidá col que faer atractivo collaborar con Iniciativa pol Asturianu y el nuesu llabor, col qu'introducir l'usu del asturianu n'espacios onde davezu nun suel tar presente”.
La Revoltosa ( llocal asitiáu na Cai Juan Alonso, 12) va ser el primer llugar onde se va poner a la venta la cerveza dende esti sábadu y, pa festexalo, Iniciativa pol Asturianu fairá una folixa a la que convida a tola xente interesao tanto nesti productu como nel idioma d’Asturies. La cellebración entamará al rodiu de les 21 hores y cuntará con delles actuaciones musicales, como la del cantautor Cesar Herrería, meyor conocíu como Hoboken.
