Dientro de la política d'Iniciativa pol Asturianu de difundir de la meyor manera posible la situación del asturianu y el trabayu de la organización, llegóse a un alcuerdu cola revista Fusión Asturias, que lleva más de venti años y 261 númberos nos quioscos d'Asturies, pa incluyir una páxina mensual con informació y artículos alredor del asturianu y l'actualidá de la revidincación llingüística.
Con esta nueva iniciativa en comunicación vamos poder apurrir información sobre l'asturianu a los miles de llectores que la revista vieno atropando dende la so fundación en 1994. Iniciativa pol Asturianu sigue medrando la so presencia pública, que tien proyectos como'l so programa de radio "Iniciativa pol Asturianu nes ondes", difundíu n'internet y nuna docena de radios asturianes o l'importante proyectu "Alderiques d'Asturies", del que forma parte dende la so fundación y que permite cuntar con un proyectu de televisión n'asturianu n'internet y en Telecable la TDT al traviés de MuymuyTV.
Nesti primer númberu incluyimos un artículu d'opinión y un resume de les que fueron les Meyores Noticies del Añu 2015 pal asturianu. A partir d'agora vémonos cada mes nos quioscos d'Asturies.
