Iniciativa pol Asturianu entrega diplomes a los alumnos de los VI Cursos d’Asturianu en Xixón nun actu con actuaciones musicales

Espublizao 24/03/15

L’Actu va incluyir actuaciones musicales y la entrega de diplomes del concursu lliterariu celebráu estos díes en Twitter “Cola poesía na llingua”

Iniciativa pol Asturianu, el Conceyu Universitariu pol Asturianu (CUPA) y l’Academia de la Llingua Asturiana (ALLA) van entregar los diplomes acreitativos de los VI Cursos d’Asturianu en Xixón esti miércoles 25 de marzu a partir de les 19 hores, nel Salón d’Actos del Conseyu de la Mocedá de Xixón (Avenida Manuel Llanez 68, baxu), cola participación de los más de 50 alumnos qu’ente presencial y a distancia participaron nos curso. Nel actu van dar llectura a dellos testos, xunto a miembros d’Iniciativa pol Asturianu, el CUPA y l’Academia de la Llingua Asturiana.

 

Entrega de premios “Cola poesía na llingua”

L’actu va sirvir tamién pa entregar los premios del concursu lliterariu entamáu estos díes por Iniciativa pol Asturianu en collaboración editoriales asturianes pa promocionar les lletres asturianes coincidiendo col Día Internacional de la Poesía. 

Les editoriales  Asturtoons Editorial, Ediciones Trabe, La Sidra, Pintar-Pintar Ediciones, la revista Formientu y Suburbia Ediciones, patrocinen esti concusu. Iniciativa pol Asturianu quier dar el máximu agradecimientu por facer posible los premios d’esti concursu entamáu, como toles actividaes de l’asociación, ensin nengún tipu d’ayuda pública.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.