Iniciativa pol Asturianu entama una rolda de contactos con representantes políticos na Xunta Xeneral, Senáu y Congresu los Diputaos

Espublizao 28/10/12

Iniciativa pol Asturianu entama esta selmana una rolda de conceyos con representantes de partíos políticos cola fin de tratar la situación actual de la llingua asturiana nel ámbitu autonómicu y estatal, asina como presentar propuestes dactuación nesta cuestión en tolos ámbitos de xestión. Pa ello, representantes de la organización van aconceyar con tolos partíos representaos na Xunta Xeneral y nes cámares estatales (Senáu y Congresu los Diputaos) quasina lo quieran. Tán confirmaos los conceyos col grupu de Foru Asturies, esti llunes 29 dochobre, a les 13 hores, en sede parllamanetaria, nUviéu, cola diputada Carmen Sela; y otru col Senador, Jesús Iglesias, dIzquierda Xunida dAsturies, pal miércoles 31.

Nel ámbitu de la representación dAsturies nes cámares estatales, Congresu y Senáu, onde tienen representación FSA-PSOE, Foru y PP, ta confirmáu un conceyu con Jesús Iglesias, Senador por Asturies, el miércoles 31 dochobre, nel llar dIzquierda Xunida dAsturies, na Plaza la Catedral dUviéu. Iniciativa pol Asturianu quier aconceyar con tolos grupos políticos que representen a Asturies en Madrid, pues entendemos que dende Congresu y Senáu pueden favorecese polítiques que sofiten a un meyor futuru pa la llingua asturiana.

Pel momentu, PP, FSA-PSOE y UPyD, les otres fuercies representaes na Xunta Xeneral, entá nun respondieron a la nuesa solicitú de conceyu, anque dende Iniciativa pol Asturianu confiamos en que querrán sentir la voz y les propuestes de los ciudadanos no que cinca a la llingua asturiana y les polítiques pal so caltenimientu.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.