Esti vienres 30 de mayu a les 20 hores, el salón d'actos del Centru Valey de Piedrasblancas, en Castrillón, va acoyer una edición más del festival poéticu "Pallabra nel mundu" nel que collabora Iniciativa pol Asturianu per segundu añu consecutivu. Esti ye un festival que se celebra al mesmu tiempu en numberoses ciudaes del mundu y que tien a la paz como lema d'esti añu.

 

L'eventu tendrá por llingua vehicular l'asturianu y cunta con poetes que recitarán n'asturianu, amás de n'otres llingües. 

 

L'asturianu sedrá la llingua d'intervención de la conceyala de Cultura, María Esther García López, asina como del presentador, Inaciu Galán, amás de tar presente nos folletos informativos y tola imaxe corporativa del festival, que se celebra alredor del mundu enteru y al que se sumen ciudaes en 56 países dende va cuasi una década.