Iniciativa pol Asturianu va facer entrega de los diplomes, a los alumnos y alumnes que superaren el cursu de creación lliteraria qu’entamara la escritora asturiana Vanessa Gutiérrez nel mes d’ochobre.
Na gala, tará Inaciu Galán, como presidente de la entidá y Vanessa Gutiérrez, como profesora del cursu de creación lliteraria, que fairán entrega de los diplomes dambos dos. Como declarara’l presidente: "Tamos mui satisfechos del resultáu d'esti cursu como primer esperiencia pa tener al asturianu como llingua vehicular y non solo pa cursos puramente llingüísticos. Vamos siguir con estes esperiencies nel futuru"
L’actu de pieslle ya entrega, va ser esti xueves nel Conseyu de Mocedá de Xixón (Avenida Manuel Llaneza, 68) a la mesma hora que ye’l cursu, ye dicir, a les 19 hores. Y tan convidaos tolos participantes nel cursu, asina como los interesaos n’averase a los nuevos cursos qu’entama Iniciativa pol Asturianu dende’l mes d’abril (pueden consultase na páxina oficial.
