Iniciativa pol Asturianu ta presente un añu más na Universidá Asturiana de Branu (UABRA) en Cangas del Narcea. Una actividá entamada pola Academia de Llingua Asturiana, la Universidá d’Uviéu y el Conceyu de Cangas.


Dientro d’estos cursos, Iniciativa pol Asturianu organiza un añu más delles actividaes. A lo llargo d'estos díes la organización tien un puestu informativu con venta de llibros y otros productos nes instalaciones de la Universidá. Amás, va celebrase una folixa, con música, presentación informal de la revista Formientu y micro abiertu a la participación d'escritores nel llocal Bambú, esti xueves 13 d'agostu de magar les 11 la nueche, darréu de l'actividá de la Xunta pola Defensa de la Llingua Asturiana, Oficialidá con tolas l.letras, na qu'animamos a participar.

Estos díes va facese amás la grabación con públicu del programa Iniciativa pol Asturianu nes ondes y d'Alderiques d'Asturies, cola participación d'alumnos y profesores.