La discoteca Zaykor de Cangas del Narcea foi l'espaciu escoyíu pa la celebración del II Concursu de karaoke n'asturianu "Búscase una estrella", qu'Iniciativa pol Asturianu organizó coincidiendo cola presencia en Cangas de la Universidá Asturiana de Branu (UABRA) de l'Academia de la Llingua Asturiana y la Universidá d'Uviéu.

L'actu fízose a mou de gala y cuntó con un xuráu formáu pol académicu Pablo Xuan Manzano, Pili Fidalgo, de la secretaría téunica de l'ALLA y l'alumna de los cursos y actriz, María Cotiello.

Más d'una docena d'actuaciones con cantares n'asturianu y la votación del xuráu, y esti añu, como novedá, tamién del públicu presente nel concursu. Una nueche divertida y reivindicativa na qu'hebo momentos tamién pa informar sobre l'actividá d'Iniciativa pol Asturianu, y onde'l puestu d'información y venta de productos recibió munches visites y nuevos socios que se sumaron tomando la iniciativa pol asturianu.

Cuasi 500 semeyes del actu y la folixa del II Karaoke n'asturianu en Cangas