Entréguense los premios II Concursu de Microrrellatos y Micropoemes Musa Cafeína & Litografía Viña nel que collabora Iniciativa pol Asturianu

Espublizao 27/08/14

Esti xueves 28 a les 19 hores va presentase en Litografía Viña, Xixón, el llibru colos testos ganadores del II Concursu de Microrrellatos y Micropoemes Musa Cafeína & Litografía Viña. Iniciativa pol Asturianu collaboró con Musa Cafeína y Litografía Viña nesta convocatoria del II Concursu de Microrrellatos y Micropoemes col envís d’afalar la creatividá lliteraria en llingua asturiana. 

 

Y ye que nesta ocasión incluyóse per primer vegada al asturianu, pudiendo presentase testos na nuesa llingua. Asina como con presencia na convocatoria, na imaxe y bases del certame. Nel actu van participar represenantes d'Iniciativa pol Asturianu, entregando dalgunu de los premios y diciendo unes pallabres a los asistentes.

 

Los ganadores del concursu fueron, na estaya de Micropoemes n'asturianu: “Dubia”, de Berto García, de Corvera y na de Microrrellatos n'asturianu, por “Los tos zapatos azules”, Naomi Suárez González, de La Pola Siero. Amás dióse accésit al micropoema n'asturianu: “Puerta”, de Berto García, Corvera. Foi accésit en microrrellatos n'asturianu: “Traces nel calendariu, de Xuan X. Porta Allende, de Xixón, y “Furacu”, d'Alfredo Garay Menéndez, de Cuideiru.

 

FALLU DEL II  DE MICRORRELlATOS Y MICROPOEMAES MUSA CAFEÍNA & LITOGRAFÍA VIÑA.

 

Aconceyáu'l xuráu del II Concursu de Microrrellatos y Micropoemes Musa Cafeína & Litografía Viña el llunes día 14 de xunetu de 2014 a les 20h nel Llagar El Mancu de Xixón y cola presencia de Vanessa Gutiérrez, Rogelio Menéndez, Xabel Vegas y Ana Lamela (Aurelio González Ovies escusó la so asistencia):

 

Y tres valorar les estremaes obres participantes nel Concursu, toma'l determín de nomar ganadores:

 

• Na estaya de Micropoemes en castellán:

“Sin título” de José Francisco Caso Del Corro, Xixón.

• Na estaya de Microrrellatos en castellán:

“De héroes y arenques”, Celestino Bernardo Sánchez, Xixón.

• Na estaya de Micropoemes n'asturianu:

Dubia”, Berto García, Corvera.

• Na estaya de Microrrellatos n'asturianu:

“Los tos zapatos azules”, Naomi Suárez González, La Pola Siero.

 

 

Arriendes d'ello, atendiendo a les bases del Concursu, tomó'l determín d'otorga-y los accésits que van darréu a:

 

• Accésit Micropoemes en castellán:
1er Accésit: “Desnudo”, Alexandre Crespo, Xixón.
2uAccésit: “Hormiga O Un Vacío Que Estalla”, Elisa Sestayo Álvarez-Sala, Xixón.

• Accésit Microrrellatos en castellán:
1er Accésit: Mirmecología”, Walter Mondragón López, Colombia
2u Accésit: “La Hazaña Secreta”, Plácido Romero, Xaén.
3er Accésit: “Fue Sin Querer”, José Antonio Olivar Romero, Xixón.

• Accésit Micropoemes n'asturianu:
1er Accésit: “Puerta”, Berto García, Corvera.
 
• Accésit Microrrellatos n'asturianu:
1er Accésit: “Traces nel calendariuXuan X. Porta Allende, Xixón.
2u Accésit: “Furacu”, Alfredo Garay Menéndez, Cuideiru.

 

Les dos obres premiaes van asoleyase nun llibru d'artista maquetáu, ilustráu y editáu por Litografía Viña y va presentase al públicu, dientro de les actividaes de TRESpallabr@RTE: II Aniversariu de Musa Cafeína, el xueves 27 d'agostu de 2014 nes instalaciones de Litografía Viña, Xixón.

 

En Xixón, a 15 de xunetu de 2014. 

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.