Iniciativa pol Asturianu nes ondes emite nesta ocasión una entrevista con Francisco José Faraldo, que foi direutor del primer centru onde s'introduxo l'asturianu como asignatura escontra la llei nel so momentu y foron espedientaos por ello (añu 1983). Nesta charra va desplicanos cómo foi'l procesu alministrativu pal entamu col asturianu nes escueles y los pilancos qu'atoparon nesi camín. 

Amás, esti programa inclúi una Editorial del Presidente d'Iniciativa pol Asturianu, Inaciu Galán, que mos fala del consensu necesariu de les fuercies polítiques asturianes pa que la oficialidá del nuesu idioma tea nes sos axendes. 

Pa rematar, na nuesa seición #TvnaRadio, el nuesu collaborador, el periodista Damián Barreiro va afondar nos nomaos Documentales Falsos o "fakes" na so versión inglesa, que tuvieron y tienen abonda sonadía anguaño. 

 

Sentir programa completu