Díes últimos pa matriculase nos cursos d'asturianu en Xixón y Sotrondio

| Espublizao 22/03/16

El llunes 28 entamen los cursos y hasta’l domingu pueden facese les matrícules na web d’Iniciativa pol Asturianu

Iniciativa pol Asturianu tien abiertu'l plazu hasta'l domingu 27 p'apuntase a los cursos d'asturianu en Xixón, Sotrondio y a distancia entamaos en collaboración cola Academia de la Llingua Asturiana. 

Los cursos van entamar a partir del llunes 28 de marzu, cuntando con 36 hores llectives cada nivel.

El cursu de Xixón va celebrase nel Conseyu de la Mocedá de Xixón los llunes y miércoles, de 19 a 21 hores y ye de nivel II, acabando nel mes de mayu.

El cursu de Sotrondio va celebrase na Casa la Mocedá de Sotrondio los martes y xueves, de 18:30 a 20:30 hores y ye de nivel II, acabando nel mes de mayu.

El nivel inicial pue facese a distancia y ta empobináu a persones ensin conocimientos d’asturianu o con nivel baxu de conocencia y nun tien horariu fixu. Pue facese a cualesquier hora y al traviés de la plataforma dixital habilitada por Iniciativa pol Asturianu.

Toles persones que superen los cursos van recibir un diploma de l’Academia de la Llingua Asturiana, entidá reconocida pola Conseyería d’Educación pa la formación del profesoráu.

Les inscripciones pueden facese na páxina web www.iniciativapolasturianu.org y pue pidise más información nel corréu de la organización o nel teléfonu 625 986 717 al traviés de Telegram o Whatsapp.

Fai la matrícula equí agora.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.