Esti domingu 15 de setiembre a les 18 hores nel Atenéu Obreru de Xixón, asitiáu na cai Cuadonga 7, 1u izquierda, en Xixón (llocalización Google Mapes: http://acurti.es/3Ly ) va celebrase un nuevu aconceyamientu de la Xunta Direutiva de la organización. Siguiendo col compromisu de xestión tresparente de l'actual Xunta Direutiva, l'aconceyamientu sedrá como siempres abiertu a la participación de los asociaos que quieran averase pel mesmu.
L'orde del día apurrióse yá a los asociaos de la organización al traviés de les canales habituales. Como siempres habrá un tiempu dedicáu a los ruegos y encamientos a la fin de los puntos del día establecíos.
El presidente d'Iniciativa pol Asturianu, Inaciu Galán, esplica na comunicación unviada a los asociaos "ye importante la participación de tolos socios y socies nes actividaes de la organización, mesmo nel ámbitu internu como esternu", recordando qu'estos conceyos "son bon momentu pa les vueses propuestes, asina como pa comprometese en dalgunes responsabilidaes".
