Iniciativa pol Asturianu nes ondes fala nel so sestu programa cola actriz asturiana María Cotiello y el so mozu, l’actor William Miller, d’orixe inglés y perconocíu pola so participación en series como Cuéntame o l’actual Isabel, en TVE. La militancia a favor del asturianu de Cotiello interesó a Miller pola llingua asturiana, que ta agora deprendiendo, como cuntó nel programa d’Anne Igartiburu (ver vídeu equí: http://youtu.be/ZvioQUiAcaE) Xunto a esti, otros munchos conteníos pueden sentise nesti programa.
Anabel Santiago, cantante de tonada que fala del certame "Al son d'Avilés". Azucena Bernardo encargada de les visites guiaes n'asturianu nel Centru d'Arte Rupestre Tito Bustillo; Inaciu Galán, presidente d'Iniciativa pol Asturianu fai una esbilla de los alcuentros colos partíos políticos fechos nestos meses y Cathi McGill, ex-productora de la BBC que vive en Cuerres (Ribeseya) cunta la so blogue en llingua galesa onde escribe al rodiu Asturies.
El programa, órganu de difusión de la organización, dirixíu por Samuel Gradín, emítese en Radio Sele, Radio Ujo, AllerFM, Radio L.lena, Radio Kras, Radio Noreña, Radio Nava, Radio Alma (Bruseles)… y puede sentise tamién nes canales d'Iniciativa pol Asturianu n'Ivoox y YouTube.
Sentir el sestu programa d'Iniciativa pol Asturianu nes ondes:
http://www.ivoox.com/iniciativa-pol-asturianu-nes-ondes-sestu-programa-audios-mp3_rf_1575790_1.html
