Cientos de persones axuntáronse frente a la Xunta Xeneral contra la prohibición del asturianu

Espublizao 26/02/16

Esti xueves 25 febreru a les puertes de la Xunta Xeneral una concentración pola dignidá del asturianu axuntó a cientos de persones por mor de les llaceriantes declaraciones de la cabezalera del PP n'Asturies, Mercedes Fernández "Cherines", onde amosaba la so allegría por algamar qu'el castellán fuere la única llingua a usar na Xunta Xeneral.

Iniciativa pol Asturianu tuvo cola so pancarta, sofitando esta concentración, amás d'entregando un escritu nel rexistru de tolos grupos políticos del Parllamentu anunciando la recoyida de cerca de 3.000 firmes contra la decisión de prohibir l'asturianu, asina como convidando a los diputaos a un cursu qu'ufre la organización de baldre y nel propiu parllamentu, pa lo que se-y acaba de pidir permisu al presidente de la Xunta Xeneral.  Equí recoyemos dalgunes de les noticies apaecíes en prensa:

 

El Comercio:  "Nun tamos toos, falta Cherines"

Asturnews: La XDLA, Iniciativa, IX y Podemos denuncien el vetu a la llingua delantre la Xunta Xeneral

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.