Celebramos el Día Internacional de la Llingua Materna con memes n'asturianu y gallego-asturianu

Espublizao 17/02/17

Iniciativa pol Asturianu celebra anguaño'l Día de la Llingua Materna afalando la creación de memes n'asturianu y gallego-asturianu pa participar nel llamáu "retu del meme na llingua materna", una iniciativa d'algame internacional de Rising Voices que tien como oxetivu espublizar la diversidá llingüística nes redes sociales. 

 

El retu del meme en llingua materna consiste en crear un meme orixinal y risonderu n'asturianu y añedir les etiquetes #MemeML y #asturianu o#gallegoasturiano y publicar en Twitter, Instagram o Facebook. La campaña va celebrase dende'l 17 al 26 de febreru.

 

Animamos tamién a compartir los memes con otra xente de tol mundu y retar a otres persones pa que creen más memes y estiendan la propuesta per redes sociales públiques, como les citaes, y d'usu priváu como Whatsapp o Telegram. Puede crear memes de munches maneres distintes. Al pie d'esti escritu ufiertamos una llista de páxines webs que-y facilitarán esta xera. Esisten amás numberores aplicaciones pa teléfonu móvil que permiten crear estos memes de forma cenciella.

 

El Día Internacional de la Llingua Materna ye una xornada declarada pola UNESCO, que se celebra cada 21 de febreru dende l'añu 2000, p'afalar la diversidá llingüística, cultural y el multillingüismu.

 

Dende Iniciativa pol Asturianu animámoste a participar con un meme y a da-y presencia a la llingua asturiana nesta campaña internacional.

 

Llistáu d'aplicaciones web pa crear memes:

http://www.memegen.es/

https://memegenerator.net/memes/popular/alltime

http://www.memecreator.org/create

https://makeameme.org/

http://memedad.com/

 

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.