La Romería de la Oficialidá, que se celebró en Martimporra, Bimenes, esti sábadu 16 de xunu, recibió al equipu de voluntariáu d'Iniciativa pol Asturianu de forma mui positiva. A lo llargo de la xornada miembros de la organización atendieron a los interesaos en recibir información nun puestu asitiáu na carpa de la fiesta pel que pasaron cientos de persones. Na xinta popular celebrada nel poliderportivu con más de 300 persones, miembros d'Iniciativa pol Asturianu tuvieron faciendo un repartu de folletos ya informando nes meses sobre'l llabor de la organización. 

El resultáu foi la inscripción de dellos asociaos nuevos na organización y l'espardimientu d'información sobre Iniciativa pol Asturianu ente la xente d'esti conceyu, qu'en 1998 foi pioneru na declaración d'oficialidá de la llingua asturiana.

Semeyes de la presencia d'Iniciativa pol Asturianu en Bimenes