Güei nel nuesu programa afondamos con Inaciu Galán, Presidente d'Iniciativa pol Asturianu, na engarradiella que s'entamó coles consecuencies curriculares que va aportar l'aplicación de la nueva llei d'educación (LLOMCE) n'Asturies. 


Una rueda prensa de la diputada del PP, Susana López Ares, na que criticaba al gobiernu asturianu por nun incluyir en Primaria la posibilidá d'estudiar una segunda llingua estranxera amás de delles informaciones del periódicu "La Nueva España"; ficieron que se convocare una rueda prensa nel llar de la máxima institución llinguística del país pa refugar esti nuevu ataque al nuesu idioma propiu. 

Sienti’l programa radio de l’Asociación “Iniciativa pol Asturianu” áu falaremos toles selmanes na nuesa llingua y de la nuesa llingua asturiana. El programa radiofónicu d'Iniciativa pol Asturianu, dirixíu por Samuel Gradín, ye selmanal col envís de tar más apegáu al día tres día de les custiones que cinquen al nuesu idioma. Asina ufre a los oyentes de les emisores que collaboren cola organización y los siguidores de les nueses redes sociales, un programa selmanal de trenta minutos onde puen sentise entrevistes y anuncies que surden alredor del asturianu. 

 

Sentir entrevista completa equí

Artículos venceyaosMás del autor