Aconceyamientu de la Xunta Direutiva

Espublizao 20/07/12

Esti sábadu 21 de xunetu la Xunta Direutiva d'Iniciativa pol Asturianu va aconceyar como cada mes pa tratar les cuestiones propies de la organización, facer siguimientu de l'actividá y programar el trabayu. 

La Xunta Direutiva ta presidida por  Inaciu Galán y tien como vicepresidente a Vítor Suárez, Rubén Martín-Llames ye secretariu y Ana María Viesca Iglesias, ayalguera.

Xosé B. Álvarez ye Vocal de Rellaciones Internacionales, María Díaz Suárez, Vocal d’Enseñu, Sabel Tuñón Ces, como Vocal de Voluntariáu, Alex Ordiales, Vocal d’Imaxe y Audivisuales y Denis Soria, Vocal de Dominiu Llingüísticu.

Darréu del aconceyamientu daráse anuncia pública, como ye vezu, de les decisiones a socios y simpatizantes de la organización. Pueden presentase propuestes y suxerencies nel corréu contautu@iniciativapolasturianu.org

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.