Aconceyamientu d'Iniciativa pol Asturianu col nuevu presidente del Conseyu de la Mocedá de Xixón

Espublizao 26/11/15

El llunes 23 de payares, celebróse un aconceyamientu ente representantes d'Iniciativa pol Asturianu y el nuevu presidente del Conseyu de la Mocedá de Xixón, Álvaro Granda Cañedo. Iván Llera ya Inaciu Galán, per parte d'Iniciativa pol Asturianu, tuvieron nel llar del CMX pa falar de los nuevos planes de la entidá xuvenil xixonesa no que cinca al usu del asturianu, asina como siguir abriendo canales de collaboración ente les dos organización, faciendo propuestes al respective del usu y visibilidá de la llingua asturiana.

El CMX collabora con Iniciativa pol Asturiana dende'l nacimientu d'esta última organización, cediendo l'espaciu pa la organización de los cursos d'asturianu en Xixón, pelos que pasaron cientros d'alumnos nes numberoses ediciones celebraes nos llocales d'esta entidá en Xixón. Amás, dientro del Hotel d'Asociaciones que xestiona esta entidá, tien llar Iniciativa pol Asturianu.

Videu destacáu

Protocolu Garantía de los Drechos Llingüísticos

El Protocolu pa la Garantía de los Drechos Llingüísticos ye un documentu internacional que quier ser una continuación de la Declaración Universal de los Drechos Llingüísticos aprobada va agora venti años.