XIXÓN, 28/03/2012. La Xunta Direutiva vien d’inaugurar dafechu la so puesta en marcha col primer aconceyamientu, abiertu a tolos asociaos, nel que, amás de valir a nivel informativu sobre l’actividá desendolcada hasta’l momentu, punxéronse sobre la mesa les aiciones y actividaes a desendolcar pel mes d’abril.

Ente los temes trataos tuvieron la suma de sofitos internacionales a la causa del asturianu, los aconceyamientos de l’asociación con estremaos partíos y coaliciones polítiques por mor de les eleiciones del 25 de marzu, los proyeutos de la vocalía de dominiu llingüísticu pa marzu y abril, pidimientos na materia d’enseñu d’asturianu y aiciones de l’asociación nel ámbetu llocal.