L’actor Silvino Torre, ñacíu en 1967 en Santa Bárbola, nel conceyu de Samartín de Rei Aurelio, morrió güei a los 52 años. Dende Iniciativa pol Asturianu queremos reconocer el so papel na normalización del asturianu nel teatru y llamentamos la so muerte.

Nes compañíes nes que trabayó y na de la so propia creación, Factótum, llevó alantre montaxes n’asturianu, talos como Puntu y coma, de Dolfo Camilo Díaz, Gasolina con capullos, de Chechu García, Tres personaxes, tres, de Cristina Muñiz y Dolfo Camilo, asina como obres escrites por él, como Tribulaciones d’un pelegrín o Una de sidra, asina como otres con Nun tris, nos noventa.

Na radio foi una de les voces principales de Nomes d’Asturies y de El gran teatru del mundu, programes de la RPA. Na TPA interpretó numberosos monólogos n’asturianu nel programa Al Aldu: La risión. Amás tuvo ente los pioneros del doblaxe al asturianu, participando nel equipu de Harry el suciu y El rostru impenetrable.

Por tou esti trabayu y compromisu col asturianu queremos facer la nuesa reconocencia a la so figura, acompañando a familia y amigos nesti momentu murniu.