El pasáu vienres, 17 de mayu, el Centru Valey de Piedrasblancas, en Castrillón, acoyó un festival poéticu "Pallabra nel mundu" nel que collaboró Iniciativa pol Asturianu. L'eventu tuvo por llingua vehicular l'asturianu y cuntó con poetes que recitaron tanto en castellán como n'asturianu.

 

L'asturianu foi la llingua d'intervención de la conceyala de Cultura, María Esther García López, asina como del presentador, Inaciu Galán, amás de tar presente nos folletos informativos y tola imaxe corporativa del festival, que se celebra alredor del mundu enteru y al que se sumen ciudaes en 56 países dende va siete años.