Iniciativa pol Asturianu ta distribuyendo estos díes el so calendariu de bolsu pal añu 2015, un calendariu con diseñu "hispter" col lema "Naguamos por vivir n'asturianu", nel que se recueyen delles actividaes de la vida diaria y los oxetos que s'usen "un tren pa dir de viaxe", "una botella pa echar unos culinos", "una bici pa dir al trabayu" o "cuyar y tenedor pa dir a xintar", ente otres.

Un diseñu orixinal que pue consiguise de baldre pidiéndolu a socios de la organización y en dellos establecimientos que vamos anunciando nes redes sociales de la organización. Escríbinos si quies dalgunu o si t'animes a ayudanos a distribuyilos per Asturies, en contautu@s806295988.mialojamiento.es