Tercer programa de radio d'Iniciativa pol Asturianu nes ondes fechu na Universidá Asturiana de Branu (UABRA), en Cangas del Narcea, y onde tuvieron como convidaos la presidenta de l'Academia de la Llingua Asturiana, Ana Cano y el direutor de la UABRA Xosé Antón González Riaño, ente otros conteníos.
 
Iniciativa pol Asturianu nes ondes ye un programa radiofónicu mensual que da anuncia de les actividaes de la organización. Dirixíu por Samuel Gradín, llocutor con llargos años d'esperiencia en medios como La Voz de Galicia o la RPA. A lo llargo de los alredor de sesenta minutos que dura caúna de les emisiones hai tiempu pa conocer les noticies del movimientu de reivindicación llingüística, entrevistes, música y hasta un pequeñu espaciu pa deprender asturianu.
 
El programa emítese en Radio Sele, Radio Ujo, AllerFM, Radio L.lena, Radio Kras, Radio Noreña, Radio Nava, Radio Alma (Bruseles)… y puede sentise tamién nes canales d'Iniciativa pol Asturianu n'Ivoox y YouTube.

Semeyes del programa