Iniciativa pol Asturianu torna a facer los grupos de fala n’asturianu. Un añu más, en collaboración col Conseyu de la Mocedá de Xixón, entamamos un grupu de fala de baldre y abiertu a toles persones que quieran participar ensin facer falta la inscripción previa.

Esta estaya de conversación ta empobinada a toles persones que quieran perder el mieu a falar en públicu y practicar les sos conocencies nun ambiente informal nel que nun importa’l nivel d’usu o conocencia. Esti grupu nun ye una clas d’idioma, sinón un espaciu nel qu’aconceyar tranquilamente y falar na to llingua, ye dicir, l’asturianu.

Va tener llugar nel Conseyu de la Mocedá de Xixón, na cai Manuel Llaneza 68, baxu (33208) tolos llunes, a partir del 25 de febreru, en dos grupos estremaos n’horariu de mañana de 12:00 a 13:00 y pela tarde de 19:00 a 20:00.